daban

daban nədir, Aserbaidschanisch nə məna gəlir, Aserbaidschanisch daban nə mənasıdır? Aserbaidschanisch - Aserbaidschanisch

is.
1. İnsan və heyvan ayağının dal hissəsi. Çox gəzməkdən dabanlarım sızıldayır.
2. Ayağa geyilən şeylərin arxa hissəsi. Corabın dabanını yamamaq. – Qərənfil xala corabların ikisinin də dabanını toxuyub kəsdi. Ə. Vəl.. // Ayaqqabı altının arxa tərəfindəki möhkəm və qalın hissə. Çəkmənin dabanı ilə başımdan vurub papağımı saldı yerə. C. M.. <Dilənçi> ayağına dabanları yatırılıb əyilmiş bir kişi başmağı geymişdi. Ə. S..
3. dan. Bir daban bərabərində uzunluq. Gülsənəm arvad Cəmilin . . bir ildə azı bir daban uzandığını görüb sevindi. M. Hüs..
4. dan. Dəfə, kərə. Üç daban getmək.
5. Bax ayaq 1 9-cu mənada. Tüfəngi dabana çəkmək. Dabanda saxlamaq. – Sənsə cəbhədəsən belə bir gündə; Tüfəngin dabanda bir döyüşçüsən. S. V..
6. məh. Dəyirmanın üst daşını yuxarı qaldırmaq üçün dirəklərdən düzəldilən qurğu.
7. Bax dabana. Qapının dabanı. – <Xortdan:> Uşağı olmayan qadınlar gedib qarınlarını ağanın qapısının dabanına sürtərdilər. Ə. H.. . . Üçüncü dəfə qapını taqqataqla döydülər, az qaldı dabanı çıxsın. M. İ..
◊ Daban almaq – qaçmaq, götürülmək, yüyürüb getmək. Xoruzoğlu kağızı cibinə qoyub daban almış və enişlərdə xoruz kimi qanadlanmışdı. S. R.. Daban aldı müxalifin qoşunu. M. R.. Uşaq: – Sağ olun, – deyib, əlindəki kağıza baxa-baxa daban almaq istəyəndə müavin çağırdı. M. C.. Daban döymək – çox gəzmək. Gündüz axşama kimi hər kəs ona iş buyurduğuna və o da daban döydüyünə görə o qədər yorulardı ki, yerə uzanmaqla yuxuya getməyi bir olardı. S. R.. Daban qırmadan – dayanmadan. Onlar daban qırmadan qaçırdılar. «Qaçaq Nəbi». Dabanına daş dəymək – yubanmaq, gecikmək, ləngimək. Dabanına daş dəymiş – bəduğur, uğursuz. Dabanına tüpürmək – bax daban almaq. Çuğul qarı . . dabanına tüpürüb özünü birbaşa Soltan Mahmuda yetirdi. (Nağıl). Salman bəy dedi: – Dabanımıza tüpürək, hər nə ola, ola. N. V.. daban-dabana zərf Tamamilə. Dabandabana zidd. – Bu şərq küləyilə dabandabana; Bu uzun yollarda qovub səhəri; Böyük Şərq şerinin dühası gəlir. Şəhriyar.

I
(Qarakilsə, Qazax)
dəyirman daşının işini nizamlayan dəmir hissə. – Dabanı bərkit, daş düşər (Qazax); – Də:rmanın dabanın yendir, unu yaxşı üyüssün (Qafan)
II
(Şamaxı)
tütün bitkisinin kökə yaxın yarpaqları. – Tənbəkinin dabani çəkməyə çox yüngüldü
III
(Kürdəmir)
həncama əvəzində qapını çərçivəyə birləşdirən oxcuqlar (qapı bu oxcuqlar üzərində fırlanır). – Qapı dabanınnan çıxdı
IV
(Qax)
sinə. – Əbdal kimi dabanını niyə əçirsin?


Aserbaidschanisch - Aserbaidschanisch lüğətdə Aserbaidschanisch daban sözünün Aserbaidschanisch mənası nədir? Aserbaidschanisch dilindəki daban sözünün Aserbaidschanisch dilindəki mənasını yuxarıda oxuya bilərsiniz.

Was this article helpful?

93 out of 132 found this helpful